هەواڵ

یه‌كه‌مین ژماره‌ی گۆڤاری دیدڕوونی بڵاوكرایه‌وه‌

ژمارە (١)ی گۆڤاری دیدڕوونی کەوتە بەر دیدەی خوێنەران
 ژمارە (١)ی موحەڕەم و سەفەری ١٤٤٠ی کۆچیی دیدڕوونی؛ كە گۆڤارێكی به‌رچاوڕوونیی ستراتیژیی سیاسییه‌و دوو مانگ جارێک دەردەچێت،‌ کەوتە بەر دیدەی خوێنەران. لەم ‌ژماره‌یەدا كۆمه‌ڵێك بابه‌تی: ستراتیژی، فیكری و سیاسی بڵاوکراونەتەوە.
ده‌سته‌ی نووسه‌ران له‌سەروتاردا، هۆكارو ئامانجی ده‌ركردنی گۆڤاره‌کەیان خستۆته‌ڕوو تێیدا وه‌ڵامی ئەوەیان داوه‌ته‌وه‌، كە ده‌پرسرێ: "گۆڤار بۆ كێ ده‌رده‌كه‌ن، له‌كاتێكدا كه‌سانێكی كه‌م بڵاوكراوه‌ی کاغەزیی دەخوێننەوە؟!"
ئەوەی شیاوی باسه‌: گۆڤارەکە لە (١٢٠) لاپەڕە پێکهاتووەو دۆسییه‌ی ئەم ژماره‌یەیش بۆ ناساندن و روونکردنەوەی بایەخی ناوه‌ندەکانی توێژینه‌وه‌ی ستراتیژی تەرخانکراوە. 
  سەرجەم بابەتەکانی ئەم ژمارەیە بریتین لە:
گۆڤار بۆ کێ دەردەکەن، لەکاتێکدا کەسانێکی کەم بڵاوکراوەی کاغەزیی دەخوێننەوە؟!
ئایا نوخبەی رۆشنبیر لەکورددا هەیە؟
ئێرانیزم؛ شێوێنەری بیروباوەڕی موسوڵمانانە.
هەنگاوو كەرەستەو رێساكانی شیكاریی سیاسیی راگەیاندنكاری.
عادل عەبدولمەھدی؛ تەواوکاری پرۆژەکانی ئێرانە لەعێراقدا.
ناوەندی توێژینەوەی ستراتیژی چییە؟
کاریگەرییەکانی ناوەندی توێژینەوەی جەزیرە.
راپۆرتی ستراتیژی: ئێران لەتێڕوانینی گشتیی جیهانی عەرەبیدا؛ بەپێی راپۆرتی پێوەرەکانی عەرەبیی ساڵی (٢٠١٨ز).

جیابوونەوەی هەرێمی کوردستان لەعێراق و مەترسییه سەرەکییەکانی بۆ بەرژەوەندییەکانی ئێران.
لەزیندان هەوڵدەدەن بتڕوخێنن، پێویستە خۆڕاگربیت.
نهێنییەكانى ناڕازیبوونى ئەمریكا لەسەر ئەنجامدانی ریفراندۆم.
(١٦)ی ئۆکتۆبەر لەدیدی کوردەوە چییە، رووداوەکەیش چیمان پێدەڵێت؟
پارێزگەی نەینەواو دڕندەیی حەشدی وەحشی.
جەنگی پڕوپاگەندەی ئێرانی.
کتێبناسی؛ کتێبی: سوپای پاسدارانی شۆڕشگێڕی ئێران.
رووبەڕووبوونەوەی ئیسلامی و عەلمانییەکان لەبەرنامە راستەوخۆكانداو چەند سەرنجێک.
کاریکاتێرێک دەربارەی دروستکردنی دیکتاتۆر، لەلایەن راگەیاندنەکانی دەستەڵاتدارانەوە.

 


لێره‌وه‌ ده‌توانن گۆڤاره‌كه‌ داگرن

2380 جار خوێندراوه‌ته‌وه‌
28/10/2018
           
© Copyright 2019 All Rights Reserved.