هەواڵ

نامه‌یه‌ك له‌ ناخی دڵمه‌وه‌ بۆ ڕووه‌ گه‌شه‌که‌ی مامۆستا کرێکار

له‌ کوردستانه‌وه‌ نامه‌یه‌ك له‌ ناخی دڵمه‌وه‌ بۆ ڕووه‌ گه‌شه‌که‌ی مامۆستا کرێکار

نوسینی: چاوه‌ کوردستانی/ که‌لار

   زۆرن ئه‌وانه‌ی که‌ چاویان به‌ڕاستی دروستی ئه‌م ئیسلامه‌ هه‌ڵنایه‌، ئه‌وا‌نه‌ی که‌ وه‌ك شه‌مشه‌مه‌کوێره ‌وان، به‌ڵام به‌داخه‌وه‌ شه‌مشه‌مه‌کوێره‌ خۆی کوێره‌ ڕۆژ و ڕووناکی نابینێت که‌س تاوانبار نیه‌ ،ئه‌وه‌ی به‌ ئازاری ئه‌م ئیسلامه‌وه‌ ده‌ژی و ده‌مرێ هه‌ناسه‌ی قوڵ هه‌ڵده‌کێشێت، به‌هه‌مان چاوی ئیسلام ته‌ماشا ده‌کرێن، له‌به‌ر ئه‌وه‌ی سه‌ریان به‌ ئیسلام به‌رزه‌.. ئه‌وه‌ی که‌ ماندووه‌ خه‌می ئه‌و خه‌ڵکه‌ی له‌سه‌ر شانه‌ وه‌ك هه‌وری به‌هار رێژنه‌ ده‌کات، هه‌ندێك جاریش چاوه‌کانی ترشقه‌ی توڕه‌ی لێ ده‌دات له‌ تاو ئازاری ئه‌و گه‌له‌ سته‌م دیده‌ که‌ بۆ ماوه‌ی سه‌د ساڵه‌ گیرۆده‌ی ده‌ستی عه‌لمانی و کوردایه‌تی زڕ و نه‌زۆكه‌، ئاخر کێ هه‌یه‌ وه‌ك تۆ به‌ناو دامێنی هه‌وری ڕه‌شی دوژمندا روه‌ز بکات، تا بتوانێت ساماڵی ناسك به‌سه‌ر ڕووی ژیندا بهێنێت، ئاخر کێ هه‌یه‌ له‌ بێشه‌ی تۆدا به‌و شێوه‌ نرکه‌ی بێت، شێره‌ پیاوانه‌ سه‌دات دیاره‌ که‌ ماندوویت و چاوت ئه‌وین ئاسا‌ ‌پڕ له‌ هیوایه‌، هه‌میشه‌ له‌ ناو ته‌پوندا ده‌ته‌وێت سایه‌قه‌ی ئاسامان به‌ شینێکی کاڵ داپۆشی، من چی بکه‌م ‌ له‌ هۆزێك ئه‌وی که‌ دوژمنه‌ به‌دۆست بڕوانێته‌ نێو چاوی، ئه‌وه‌ی که‌ ئازیزه‌ دێوزمه‌ ئاسا ته‌ماشای بکه‌ن، له‌ خاکێکدا که‌ میر محمدی سۆران و میر به‌درخان ڕێبه‌ری بن له‌دوای ئه‌وان پیاوانی وه‌ك تۆ ده‌رکه‌ون، که‌چی دوژمن به‌سحری فیرعه‌ونی هه‌موو هه‌ژدیها داره‌کان و دینه‌سوره‌ حه‌بله‌کان بکه‌نه‌ دادوه‌ر به‌سه‌ر ئه‌و هه‌موو په‌پوله‌وه‌،من نازانم به‌ کام سۆرفینیا و نیلك پێناسه‌ت بکه‌م..

ئاخر مامۆستای خۆم له‌کام زه‌مه‌ن.. خه‌ڵکی وه‌ك تۆ هاوڕازی بێنازی دایکانی شه‌هید ده‌بێت، له‌ دامێنی چیای منداڵانی هه‌تیواندا ئۆقره‌ بگرێت، کام لاو له‌سه‌ره‌تای لاویه‌وه‌ شه‌یدا و یاخی خاکی خۆی بێت، ئه‌وه‌ کێه‌ له‌م سه‌ده‌یه‌ی سیاسی عه‌یاره‌ ئه‌وینی خه‌لافه‌ت ده‌یگرێت، ئه‌وه‌ کێیه‌ له‌و ئاهه‌نگی دووڕووانه‌ هه‌ڵوێستی نه‌گۆڕی ده‌بێت ، من سه‌رنابه‌م کێ بێ ئاخۆ وه‌ك تۆ بائازاری ئومه‌تێک خه‌و له‌ چاوانی ده‌تارێت، فه‌رموو بڵین هاوشێوه‌کانی ئه‌و له‌ کوێن، که‌ جیهاد و زانست و هونه‌ر له‌یه‌ك ساتدا بڵێسه‌کات له‌ناو بێشه‌ی ده‌ست به‌سه‌ری هه‌ر هاواری خه‌لافه‌ت کات، بۆ ناپرسن بسته‌خاکێك هه‌یه‌ تا شك به‌رێت.. کام باڵه‌خانه‌ له‌سه‌ر ناوی ئه‌و تاپۆیه‌، به‌دوای کام کۆمپانیا و پۆست و دنیا ئه‌م که‌وتوه‌، خۆتان بڵێن کام سه‌رک0رده‌ کام زانای دینی ئه‌م ده‌مه‌ گوێچکه ‌و ده‌می هه‌ڵده‌سورێت له‌ نیوه‌شه‌و تاکو به‌یان له‌گه‌ڵتانه‌، کام سیاسیه‌ ئه‌زمونی خۆی بۆ نه‌وه‌کانی داهاتوو په‌خش بکات، کام باوکه‌ هه‌موو رۆژێك له‌گه‌ڵ مندڵه‌کانیدا ده‌ست له‌ملانبێت، له‌ته‌مه‌نی په‌نجا ساڵی هه‌ر وه‌كو لاو ره‌فتار بکات، ئاخر ده‌پێم بڵێن له‌کام دێدا له‌کام شارو ووڵات هۆبه‌و جێدا،که‌سێك که‌قوتی خۆی نه‌بێت ئاماده‌ بێت چڵ کتێب بۆ خه‌ڵکی چاپکات،له‌کام وه‌رزی جوانی دنیا بینیوتانه‌ شێری بریندار خۆی فیداکاری زام بکات، ئاخر ئه‌و بۆیه‌ شیره‌ چونکه‌ زامداره‌ بۆ‌ له‌ضڕه‌ی شمشێر بترسێت؟،ئه‌و که‌خاوه‌نی قچه‌کانی خۆیه‌تی بۆیه‌ هیچ که‌س بیری جاده‌ی نیه‌ بۆ ئه‌و، ده‌پێم بڵێن گه‌ر وانیه‌ کێه‌ وه‌ك ئه‌و به‌ ده‌نگی زوڵو و که‌و ئاسا هه‌ر قاسپه‌ی دێت به‌ سه‌ر به‌رزی و گه‌ردن به‌رزی له‌ رۆژنامه‌و ڕادیۆکان و ته‌له‌ڤزیۆن ئه‌وی له‌ناو دڵیدایه‌ له‌سه‌ر دمه‌ وپه‌نجه‌و خامه‌ی نه‌وال ده‌که‌ن ، ده‌ی برا گه‌ل چاوڕی چین ده‌پێم بڵێن چی ووه‌ڵامی خودا ده‌ده‌ن له‌ قیامه‌تدا ، مه‌ردبن هه‌ڵسن ڕابن کۆبن شه‌وگار له‌تکه‌ن.. فوو له‌ فتیله‌ی پڵیته‌ی سوتاو بکه‌ن، ئاسۆ دیاره‌ په‌رده‌ی په‌نجه‌ره‌کانتان لاده‌ن با رووناکی خۆی به‌‌ماڵه‌کانتان بکات، براگه‌ل کێ ده‌توانێت له‌م زه‌مه‌نی ترسنۆکی شێره‌ پیاو بێت،له‌م سه‌ده‌ی پڕ له‌تاوانه‌دا بۆ دوونیای خولود هه‌وڵدات،کێ ئازایه‌ وه‌ڵام بۆ لای خوای خۆی ده‌سته‌ به‌ر بکات.

ئه‌وه‌ کرێکار.. سه‌رم به‌رزه‌ به‌تۆ نه‌خاونی فایلی به‌عسیت ، نه‌ گومرکی هیچ جێگایه‌ك له‌ لای تۆیه‌ ، نه‌ 31 ئاب ده‌زانی نه‌ له‌گه‌ڵ ئه‌لقمه‌یدا ده‌ست هه‌یه‌.. ده‌ی برای نا بۆ تێنه‌گه‌ن فرست له‌ده‌ست خۆتان مه‌ده‌ن، کاتمان نه‌ماوه‌ وه‌رزمان سارده‌ با زه‌مه‌نی گه‌ڵا رێزانی رۆح ده‌ست پێنه‌کات که‌ خوا ئه‌وه‌ی داوه‌ به‌ئێمه..‌ تاوانبارین بۆ کار ناکه‌ین؟ خۆ بۆ دنیا کارمان نیه‌ به‌ڵکو بۆ قیامه‌ت سه‌ره‌ڕۆین و به‌دوای به‌هه‌شتی خوا که‌وتین، ئه‌م جاره‌یان مامۆستا گیان تۆ باوکمی تۆ هه‌رچی که‌سی منیت خۆشه‌ویستی له‌ ناودڵما چونکه‌ بۆنی سیره‌ی پێغمه‌به‌رت(صلی لله‌ علیه‌ وسلم) لێدێ وه‌ك پیاو چاکان له‌ به‌ر چاوه‌ما دێتو ده‌رۆیت پیاسه‌که‌شت بۆنی به‌دری لێدێت تێڕامانت شۆرشیکه‌، به‌ڵام چی بکه‌م پیاوی ده‌وێت له‌م زه‌مه‌نی بێ پیاویه‌ ئاخۆ پیاو له‌م کوردستانه‌‌ ده‌ست بکه‌وێت...

وه‌ك کۆساری ئه‌مجاره‌یان من پێت ده‌ڵێم ...

مامۆستا گیان وا ‌چه‌ند ساڵه‌ گێڵگه‌کانی

ئێمه‌ تینون تۆش تكه‌ تكی بارانی

 چاوی گه‌شی کوردستانی

ووڵاتی پر ئه‌ستێره‌ ئێستاكه‌ پڕه‌ له‌ زوحاك

ئه‌تۆش چه‌کوشی سه‌ری زاڵمانی...

مامۆستاگیان

زۆر به‌ڕاستمه‌ ده‌پێم بڵێ کام حاجیله‌ی

کێوی به‌رزی کام قه‌ندیله‌ی ...

مامۆستا گیان تۆ گوڵه‌ گێلاخه‌ی

 شه‌ونمی سه‌ر گوڵه‌ شه‌وبۆی شه‌وانی

تۆ به‌هاری زیندو که‌ره‌وه‌ی گوڵه‌کانی

کام شۆڕشی ..

ده‌پێم بڵێ له‌و پنجه‌ره‌ی ئاسماندا

چاوه‌ڕێ چه‌ند ئه‌ستێره‌ی، هیچ شك ده‌بیت؟

من ئه‌م شه‌و نه‌شئه‌ی سه‌ودای یاخی بوون گرتومی،له‌ناو بێشه‌ی ئه‌م دڵه‌م سوزو نه‌ستم فواره‌ده‌کات، ئه‌م شه‌و سه‌راپا غه‌رقی موحیبه‌تی ئه‌م ئیسلامه‌م،یان سۆزی بێ نه‌ستی و مه‌ستی بم لاوێنێ به‌شرینی بۆنی هه‌ناسه‌ی پێغه‌مبه‌رم (صلی لله‌ علیه‌ وسلم)،چونکه‌ ساڵانێکه‌ نامۆی ئاڵاوه‌ته‌ گه‌ردنم، عه‌یامێکه‌ هیچ شك نابه‌م له‌م ووڵاته‌ تا مه‌شخڵی رێگای ده‌ستم بێت،بۆیه‌ ئه‌م شه‌و شاگردی مه‌حویم بۆ دیداری ئازیزان ده‌خوێنم، مه‌ی فرۆشی سۆزی ئه‌وین مه‌عریفه‌تم تاله‌م ووڵاته‌ عارفێك ببینم، وه‌ڵاهی له‌ تۆ زیاتر که‌س شك نابه‌م...

تکایه‌ وه‌ك خۆی بڵاوی بکه‌نه‌وه‌ له‌گه‌ڵ رێزم

601 جار خوێندراوه‌ته‌وه‌
17/02/2018
           
© Copyright 2018 All Rights Reserved.