سیاسی کورد 
 ئۆسلۆ ١٨/٤/١٩٩٤

سیاسەتمەدارانی کورد
لەگەڵ سەددام
ھەر وەک کەرو خۆڵەمێشن !
رۆژێ دژیین
کەچی بە ساڵ خزم و خێشن !!
بە فیتی یەکتری فێرن
وەکو دوو دار 
ھەردووکیان لار
خۆ بە یەکا ھەڵ ئەسپێرن !!

سیاسەتمەدارانی کورد
بەرامبەر حەق بێژێکی خۆ
گەماڵی رق و داخیانن
دیکتاتۆرن
کۆیلەی حەزی یاخییانن !
لە پایتەختی ووڵاتانا
ئەشھەدوبیللا کێشن و 
دژی تەوژمی ناخیانن !!

سیاسەتمەدارانی کورد
بۆ سنووری تورک و عەجەم
وەکو سەگن 
بۆ ناوەوەش 
ھەر بۆ ئەوان 
وەکو خزمەتکاری بەگن !
شەڕەنگێزن 
گەلە گورگن بۆ خۆ کوشتن..
تا دەشمرن 
ھەر سنگ شێری ماکەر پشتن ..