ئه‌حسه‌ن حه‌سه‌ن بۆ مامۆستا كرێكار

كه‌له‌پچه‌كه‌ت
هاواری وائیسلامه‌كه‌ت
له‌به‌رخوابوو!
ڕۆژێك نه‌بوو 
لەئەم ڕێگەی خەباتەدا
لەم هەورازو نشێوەدا
پشت بۆ دوژمن
یان لەبەر ڕەشەبای سەختا
شانی بەرزت بچەمێنی..
تۆ بەتەنها
مەشخەڵی ڕێی
ئاوازو سرودی
مەرگی
لات و عوزای!
دەنگی بانگەکەی بیلالی
نەعرەتەی ڕۆژی ئازادی
بتەکان وردو خاش ئەبن..
تۆ بێستونی 
پیرەمەگرونی
حەمرینی..
دەی پڕ بەگەوروو
هاوارکە گوێمان
لەجودی گرتووە
دڵمان پڕبووە
لەبۆنی عەتری
هاواری وائیسلامەکەت...
هاوڕێی شه‌هیدی زیندان و
عه‌ززامی ڕێگه‌ی خه‌بات و
عەماری لەشکر شکێنم
تۆ بەتەنها دەنگی بەرزی
قەڵای سەختی
ئاڵای سەر لوتکەی
قەندیلی
کۆساری بورکانی شیعرو
شەریف و مامۆستاوریاو
تەفسیرەکەی بێتواتەی
دەستی زوبەیری.