ناونانی مناڵ

دراوسێكەم
دوای دە ساڵ
كە بوو بە خاوەن مناڵ
زۆر بە پەلە
كەوتنە ناونانی كۆرپەلە !
ووتیان ئەبوبەكر چۆنە ؟!
ناونووس ووتی
نابێ ئەوە ناوی كۆنە !!
ووتیان ناوی دەنێین (سەمیر)
ناونووس ووتی
نەخێر نابێ
دەنا دەنووسم ( سەی میر ) ..
پیاوە ووتی :
ناوی باپیرمی لێ دەنێم
سەعیدە ..
ژنەش ووتی :
یا باوكی من ..
شێخ مەحموودی حەفیدە
كەچی ناونووس
ووتی بە فەرمانی حزب
بە ئازادی
ناوی لێ بنێن ( شادی )!!
هەر كە ناوی حزبی هێنا
سستەرێ
ئاخێكی قووڵی هەڵكێشاو
چووە دەرێ
ووتی : ناوی باپیران
رێبازو هەڵوێست و دیدە
ئەم خێزانەش
هەر لێرەوە
خانەوادەی شەهیدە !!

18/10/2006
هۆنراوه‌ی: مامۆستا كرێكار