هەوێنی شیعرەكانم

وەڵامە بۆ ئەوانەی لە هەوێنی شیعرەكانم دەپرسن

هەموو ئەوەی خۆشم دەوێن

ژان و شەهیدی و چەك و خوێن

بۆ هەموو پارچە شیعرێكم

بۆ خۆیان دێن

بۆ مەیینیان دەبنە هەوێن :

*****

ـ ئەو ووشانەی

هەر ئاهو ئۆف و ئازارن

هێمای ژوارن

ژواری تلۆقی تەقیووی

لەپی دەستی كرێكارن ..

*****

ـ ئەو ووشانەی

خۆزگەو عەزرەت و تامەزرۆن

خۆشەویستی شەهیدیەو

هەڵقوڵاوی

گۆشت و خوێن و هەست و سۆن

*****

ـ ئەو ووشانەی

چەك و هێزو بازوو تینە

شیری دادە

هێمای قەڵاچۆی گاغووتی

سەر زەمینە ..

*****

ـ ئەو ووشانەی

خوێن و كاسەی سەری ووردن

خەباتی رێن

دەبێ برژێن

دەبێ بڕوێن

مافی بوونەو دەبێ بدرێ

پێویستە وورد سەرنجبدا

ئەو كەسەی رێی جیهاد ئەگرێ ..

هۆنه‌ر: مامۆستا كرێكار

دیوان: ژانی مان

مێژوو: 1/12/1980

بڵاوه‌كار: ماڵپه‌ری ئاهی خه‌م