شێخی ئێمه‌ 
بۆ مامۆستا كرێكار
هۆنراوه‌: یاخی 


ده‌قی هۆنراوه‌كه‌: 
شێخی ئێمە 
شێری پیری ژیری گیانم
ماندوو نەناس
سوکنای دڵەی ناکامان 
دڵەی کەساس 
بڵێی کەی بێیتەوە لامان 
زۆر نزیکە بەس... نازانم 
وەکو شەماڵی دوای عەسران 
لەگەڵ جریوەی پاساری
بەسەر خاکمانا داباری
خەندە بەیتەوە وڵات و 
نان و ئەمان بێیتەوە ...
فاتیحەکەی ڕێی ڕزگاری..

شێخی ئێمە 
عەباکەی بەر مەلا عوسمان 
هیچ کەس نیە لەبەری کا
بەس تۆ نەبێ 
مێزەرەکەی صلاحەدین 
کەس ناتوانێ لەسەری کا
بەس تۆ نەبێ 
کەس ناتوانێ ئەم شێر پەنجەی 
گەلی ئێمە
یەکجاری نەشتەر گەری کا 
بەس تۆ نەبێ 
ئێ چۆن ئەبێ 
دڵی ئومەتێ بشکێنێ 
شێخی ئێمە 
ئای .. کەی زەنگی گەڕانەوەت 
لە پاکێجی ورە و عیزەت و ڕابوونا
بۆمان دەکەیتە مزگێنی..

شێخی ئێمە 
چاوەڕێی گەڕانەوەتین
دەشگەڕێیتەوە دڵنیام 
کوردوستانمان دووبارە بۆ بکەیتەو
بە مەئوا .. بەدار و ئیسلام 
لەتەک دەرکەوتنی سیمای پڕ لەنورا
جێشی فیرعەونی بگۆڕی 
بەجێشی محمد فاتیح
جێشی شکۆ و پڕ لەباوەڕ
لەتەک ماڵینی پاش ماوەی عەلمانیەتی
سپی و سورا 
دەس پێکی شەڕ لە بۆ ئاشتی 
بت خانەکەی پەرلەمانیش هەڵتەکێنی و 
بیکەیە ناوەندی شورا

شێخی ئێمە 
بێزا بووین لەناو ئەم تەما 
جیلێکی یەکجار هەتیوین
بڕوات بێ ئۆقرەمان نەما 
لەقۆناغی 
ژینی ئازاری مەکەیی زۆر زۆر زیاتر
تێ پەڕیوین 
لە تاو بێ قدوەیماندا
باوەڕت بێ 
تێ چەقیوین

ئەو لات و لوتەش کە ماوە 
لەژێر چەتری ئیسلامیدا 
زوو خۆیان هەڕاج فرۆش کرد 
شێخم ڕەنگە تۆ نەزانی 
خۆیان فرۆشت
خۆیان بەعەلمانیەت گۆش کرد 
دینەکەشیان نایە بانی 
لەسەر ڕانی 
سەوز و زەردا 
چۆن خۆیان فێری ناو کۆش کرد ..

لەم لاشەوە 
لەسەر ڕێمان 
جەلادەکانی ئاسایش وەک داینا سۆر 
جەلادەکانی پاراستن 
توتکەکانی دژە تیرۆر 
تەنگیان هەڵچنیوە پێمان 
وەک گورگ بەر بوونە تێمان 
هەر ڕۆژ یەکمان 
شەهید ئەکە لەژێر فشاری تەعزیبا
هەر ڕۆژ یەکمان ئاوا خەڵتانی خوێن ئەکەن
ئاوا بێ سەر و شوێن ئەکەن 
شێخم شالله بمردمایە و
ئەم زەلیلیەم نەدیبا
ئەمان کەی لەبەشەر ئەکەن
هەر ڕۆژ گەنجێ 
ئاوارە و دەر بەدەر ئەکەن
هەر ڕۆژ دڵی داک و بابێ 
پڕ لەئاخ و کەسەر ئەکەن

شێخی ئێمە 
ئەی خاکی تر لەخاکی گڵ
ئێستە لەیەک دورین گەرچی 
خۆ ڕازی دڵ ئەگا بەدڵ
باوەڕت بێ گەوهەرێکی 
نایەڵین لەدەسمان دەرچی 
ڕابەرێکی ڕۆحی گەورەی 
ئەم جیلە خۆشی نەدیوەی 
باوکی هەموو
ئەم هێزە یەکتاپەرستە
بێ نازە ژیرە هەتیوەی 
تۆ جریوەی بول بولی ئازادی هێنی 
بەئاسمانی کش و ماتا 
سەدای سەرکەوتن دەخوێنی 
بەزۆریش بێت 
ئەم بەیداخەت دەدەینە دەست
بۆ پێشەنگی ئەم ڕابوونە 
مەزنە بێ چەند و چوونە ئیسلامیە 
بەرەو مەبەست
پشتمان بە الله 
دەست لەدەست..

شێخی ئێمە 
تۆ هەوێنی ئەم شۆڕشەی 
کەلەڕێمانە و لەڕێتە
نەک هەر چوار پارچەی کوردوستان
هەموو ئومەتی ئیسلامی 
هیوای پێتە 
لەگەڵ خۆتا
شەپۆلی سەرکەوتن بێنی 
لەگەڵ چوون بەرە و ئاسۆتا
مەشخەڵی یەکتاپەرستی
بەچەخماخەی ئەزموونی خۆت
داگیرسێینی 
توخوا شێخ هیوامان پێتە 
نەکەی کە بێ ئومێدمان کەی 
نەکەی تۆ 
دڵمان بشکێنی

-یاخی-